Plantun de Prouvènço

Pèr coumpara dos planto d'encò nostre

Ceratophyllum demersum & Callitriche stagnalis

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Estello-d'aigo(-de-mueio)

Callitriche stagnalis

Plantaginaceae

Noms en français : Callitriche des eaux stagnantes, Callitriche des étangs.

Descripcioun :
Aquelo estello-d'aigo, gaire coumuno, trachis en group dins lis estang, ribiero e mueio. Sènso vèire li fru madur, èi pas segur de pas s'engana pèr la determinacioun. Aquéu a lis alo larjo (1/3 de la larjour dóu fru). Pòu s'alarga sus de gràndi surfàci, ço que fan pas tóuti. Se recounèis peréu a si fueio en fausso rouseto e espatulado sus lou aut (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 100 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Callitriche
Famiho : Plantaginaceae

Ordre : Lamiales

Coulour de la flour : Verdo
Petalo : ges
Ø (o loungour) flour : 1 mm
Flourido : Printèms - Estiéu - Autouno

Sòu : Ca
Autour basso e auto : 0 à 1400 m
Aparado : Noun
Abriéu à Óutobre

Liò : Aigo - Mueio - Ribiero - Estang
Estànci : Termoumediterran à Coulinen
Couroulougi : Éurasiatico
Ref. sc. : Callitriche stagnalis Scop., 1772

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Callitriche stagnalis

ges

Coumpara Courniflo emé uno autro planto

Coumpara Estello-d'aigo(-de-mueio) emé uno autro planto